Read Southern Rengma Naga LÜHIN 137 Bible Online

LÜHIN 137 - Southern Rengma Naga bible

LÜHIN 137

¹Agun le Babilon züri seki dun-o; Zion rüchün kelo ka chü sola.

²Agun le agun harp pe sentyüro bin ge hüsü la.

³Agun tenzen-o tsüki dothyü tin kela dan le agun no lüthyüshü lotse; lo agun nthyünnyü kehü dan le agun no; “Zion ge keron lüthyüshü lo,” tse agun kazo.

⁴Agun le dihontse sinrünyi kecha ki Npugü lüthyü mon?

⁵O Jerusalem, ale nmhinla yatselo, aben njüzin no nko lalo!

⁶Ale n rüchün mvula, ale Jerusalem pe a shekerhün tsin thyü mvula yatselo, ayi no a ngi nku tinla lo!

⁷O Npugü, rüchün shülo, Jerusalem lolo kela nyü Edom nyu le nyuthyü shüyo. Anyugun le, “Borenla, a-bin kejwen keti borenla lo!” tsonzo.

⁸Babilon, n nkela ti. Nle agun ge nyuthyü shüyo, nchün thyü nipe ntsü nrün temi gü le jochü kepvü tsin nyu

⁹tsü gü le n nyenyu keshe dan ten pe tso ge jonthü jonrü lati.