Read Southern Rengma Naga LÜHIN 138 Bible Online

LÜHIN 138 - Southern Rengma Naga bible

LÜHIN 138

¹O Npugü, ale a nyun aphu sen chenkeno pe ntsüti; tero dan mhundyü nyu ale lüthyü nshwenti.

²Nle sozin kehü lo nketsin gü genyu ale n kenshün Kershvuka ntsun-o, nkhün tsügü, chenkeno pe n zan shwenti n zan lo njo le tha aphu nyeki tetso kela genyu.

³Ale nko keshü nyü nle akehi kenishü; nkekvu pe athyü nko shü.

⁴O Npugü, kazü raja dan aphu n shwen ti; anyugun le n jodan nyülo kela genyu.

⁵Lo anyugun le nle nyuthyü shüyo tsü rüla zo lüthyü ti; Npugü zankechwi le gonri kethyü genyu.

⁶Npugü le tetso sa yatse-e, ketsenyo dan phin rüchün hü; ai ketekho kehü gü we n kebu loho.

⁷Ale kenjün kethyü dan nyu tsonchü hüe, nle a keyhun ntsen hünyo. Nle n ben shwe pe a shwikerüchün nyu nyun kekhü ntsun lao n kekvu nyu a kenilo.

⁸Npugü le agenyu rhisen kebin dan thyü pen shüti; O Npugü, nkeso le kethonthen bin hüti. N ben tho gü khela nyata.