Read Southern Rengma Naga LÜHIN 14 Bible Online

LÜHIN 14 - Southern Rengma Naga bible

LÜHIN 14

¹Kephonyu le a-npvü a-nyuki, “Sunggigü ndi le tse rüchün hünyo.” Tsüdan aphu gwamvu laso, lo anyugun le kentsü kenchen tho thyü laso; kenjü tho kethyü nme ndi laso.

²Npugü le tsangge bin-o temi nme me tho shalo Sunggigü rüshvu kehü le bin le mvuyo nrishü.

³Ai anyugun aphu tson gwünzü kü tin laso; anyugun aphu gwamvu ketunkü. Anyugun nme-e nyu le gwayo tsü thyümvu, nme-e ndi.

⁴“Anyugun le shamvu ole?” Npugü le ketsoshü. “Thagwakemvu thyü kehü hidan hi aphu tharüchünlo mvu ole? Anyugun le a temi dan hon setyü, lo anyugun le aka hi hümvu.”

⁵Ai anyugun le anyugun kerüshvu loti, kechamvule Sunggigü le senyu le a-jozen hüyo tsünyu zen kehü genyu.

⁶Serikemvunyu le kendi nyu le tharhi kebin tsü kevü hünyo, ai Npugü le a-no kepen gü.

⁷Zion ge kvukelo no Israel ki ryülo tse ale hi hünyo. Npugü le anyugun thyüpe gwani chwiryü lo lo Israel temi dan le sherhün pe ditsü laki thyü tiyo no!