Read Southern Rengma Naga LÜHIN 140 Bible Online

LÜHIN 140 - Southern Rengma Naga bible

LÜHIN 140

¹O Npugü, temi gwakemvu nyu ben nyu akhishwi shü; me dushvu kehünyu ben nyu a kenishü ta.

²Anyugun le tha gwakemvu rhibin hünyo, tson-o a-zintse kega hüsü shü hünyo.

³Anyugun yi le peri tsei gwakemvu hontse; anyugun jole riba tsei kerhu hontse.

⁴O Npugü, serikemvu nyu ben nyu a rikhun lota; ano chela titse nda kebin me du keshvu nyu ben nyu a kenishü lo.

⁵Ketekho nyu dan le kebuo a nden bin, lo anyugun le joh süren njü, a tenlo nrün genyu tson teki a nsen bin.

⁶Ale Npugü ka, “Nle a Sunggigü le.” O Npugü O Npugü ale n ka keche kehi nyü shüta!

⁷Kekvutsin a Npugü, a kenishü kehü kenko gü, nle terinyu a ntsen shü laso.

⁸O Npugü, serikemvu dan kenyü gü tsü thyüpe tsü nya; anyugun le tha gwakemvu rhi kebin tsüno thyüpen lo nya.

⁹A shwikerüchün dan no kvu lo nya; anyugun le a kedün kebin tsü no anyu ge tsüla lo.

¹⁰Mahgi kenhon no anyugun so ge chetsü lo; anyugun shwepe rani soryü lo keho tekhwünkü nyu shü lalo.

¹¹Nku-o me nmu kehünyu no kazü günyu thame thyü lo nya; tha gwakemvu no nmhe-o temi gwakemvu nyu hü ketsü lota.

¹²Npugü le mele nshwe kehünyu nopen lo kenjü nyu rhokedyü nyu jün kera nrün ale sha.

¹³Ketsinthyü kemitsin nyu le n zan shwen ti; anyugun le nmhundyü nyu yhun ti.