Read Southern Rengma Naga LÜHIN 142 Bible Online

LÜHIN 142 - Southern Rengma Naga bible

LÜHIN 142

¹Ale Npugü no a cheshülo tse ko; ale a-ka ashwi kenjün hi.

²Ale kenya kebin dan aphu pe a-mhundyü nyu zoshü; ale a kenjün kethyü aphu pe a-ka zoshü.

³A kapu le pesi kebin ka, ale nyuthyü mvulo shvuyo nle sha. Ale gü kehü tson nyu a shwikerüchün nyu le kebuo a nsen njü.

⁴Ale a temhun shwi keshü ka, temi nme a keche keshü ndi, nme asun kelo ndi. Aphin kerüchün nme ndi.

⁵O Npugü, ale nko hü nle; nle a kesun gü, rhün kebin nyu kazü nyu ajün gü tsüle nle le.

⁶Ale nka keche kehi nyü shüta; ale ashese ritsin kela genyu. A nthyünnyü kehünyu ben nyu a kenishü ta; anyugun le anyeki kvuri.

⁷A no chenkeno pe ntsü lo nrün genyu donyu azen chwiryü shüta kemitsin nyu le a hunpfü ti nle a ge n hosa shü nrün genyu.