Read Southern Rengma Naga LÜHIN 146 Bible Online

LÜHIN 146 - Southern Rengma Naga bible

LÜHIN 146

¹Npugü shwen! O a kapu, Npugü shwenlo!

²Ale rhün kebin then Npugü shwenti; akeyhun ka lüthyüo a Sunggigü shwenti.

³N ketenyen pe temi sharhi nyu ge shü nya; yhunkehü temi nme n kenishü loho.

⁴A-kehen teshe le tinla lo a-le nnyo ngwa ni lahü; tsüjon nyü a-le rhi kebin aphu a-keni thyüla hünyo.

⁵Jakob Sunggigü pe a-keche gü thyü kelo gü lo Npugü a-Sunggigü tenyen kehü güle a-hen kegwa nyu,

⁶tsang, kazü, zü keda lo tsünyu kehü dan aphu thyü keshü gü. A-le zoshü kenjü tsü a-zintse then hünyo;

⁷a-le kenjü nyu mele nshwe kehünyu jünkera lo chvü pe nnyo kehü nyu tsü hü. Npugü le donyu hoshü la.

⁸Npugü le yhükepo gü no tha hyulo. Npugü le nkhünrün kehü nyu penso shü; Npugü le kemitsin nyu sohü.

⁹Npugü le jwen nyu khwe bin hü; a-le maginyu lo tegonyu dan nmhu zen hü; ai serikemvu gü we nkela hü.

¹⁰Npugü le kethonthen raja: O Zion n Sunggigü le shenhe aphu so raja thyü ti. Npugü shwen!