Read Southern Rengma Naga LÜHIN 2 Bible Online

LÜHIN 2 - Southern Rengma Naga bible

LÜHIN 2

¹Nyu genyu tenyen kemvunyu dan le a-nyunta, lo temi dan le tha rhija thyü hü nla?

²Kazü Rajadan, lo kekvu kesennyu danle kerhilo-o, Npugü lo a-le kejükelo Rajagü ntsun-o,

³“Ngun au keda hensin bin mvu-o ngun kesha thyü tinla tinu, aule me ketsen kebin rongü bothüla tinu.”

⁴Tsangge dunkebin güle nnyü lati: Npugü le anyugun shwinyü lati.

⁵A-le a-nyunkekhü nyu a-nyu gun nthonti, lo a-nyun kenthün pe anyugun kerüshvu shüti.

⁶“Tson-o ale a Rajagü pe, a kenshün a rincho kenshün Zion ge shü laso.”

⁷Ale johokeshü gü zoshüti: “Npugü le akazo, ‘Nle anyule; ale nthu nnyu lo laso.

⁸A ka hilo, tsonyatselo ale kazü tsipwen aphu pe nno gwenti; lo kazü keniketi pe nno nhon thyüti.

⁹Nle tegi thün sen-o tsüdan boren lati; lo a-nyugun lope nnyola hontse kedüren lati.’ ”

¹⁰Tsügenyu, Raja dan, hagun ntsoka thashalo, lo kekvu kesennyu dan, hagun pütsü lonye.

¹¹Nshvuo Npugü lothyülo, lo nke nsüo shekerhün thyülo;

¹²nyugü nbalo, a-no a-kenyümvuo hagun no tson nenyu nkelalo keshvu genyu, a-nyun kekhü le whütse ryü lati. A-tenye kehü nyu dan le aphu kengvü tsin.