Read Southern Rengma Naga LÜHIN 20 Bible Online

LÜHIN 20 - Southern Rengma Naga bible

LÜHIN 20

¹Nle thyülo keshvu teno kelo ka Npugü no n kehi kenishü ta! Jakob Sunggigü no n ntsenlo ta!

²A-no a-Kershvuka nyu keche nipe ntsü shü lo Zion thun ge keche khipe ntsü shü.

³A-no nle tha khipe a-ketsü aphu lolo lo nle kershvu thyü keshü shwipe a-kenyülo nda.

⁴Nle nyu nnyü binyo a-no khipe ntsü lo nle nyuthyü titse rhibin yo tsü aphu no thyü penlo.

⁵Tson yatselo nle kvukelo genyu agun le nra tetso-o shekerhün thyüti lo Sunggigü shwen-o nle kvukelo rühvuti. Npugü no n kehi aphu thyüpe ntsü shü nda.

⁶Npugü le kvu kelo khipe a-le kejü kelo raja tsühü tse kethyü ale ntsoka we shalo so; a-le a-tsang kenshün ge bin-o a kehi thyü shü hü lo a-kekvu nyu kvukelo keda pe atsü shü hü.

⁷Peha le anyugun terigari dan tenyen hü lo kechanyu le anyugun keru tenyen hü, ai a gun we Npugü a gun Sunggigü kekvu tenyen hü nyo.

⁸Tson kehü nyu dan le pha nsüo chela ti; ai ngun we solo lo nnu mvulo ti.

⁹Kvukelo khipe Raja gü tsülo, O Npugü; a gun le nko keshü ka kenishülo.