Read Southern Rengma Naga LÜHIN 23 Bible Online

LÜHIN 23 - Southern Rengma Naga bible

LÜHIN 23

¹Npugü le a kekhwen gü; ale thame kae rhodyü la loho.

²A-le a no shai kenjvü nyu rüyü lo hü lo a tsontsin zen-o zübun kenshün nyu shüshü hü.

³A-le kekvu keshün pe atsü shü. Ale zo kenjü hontse atson tsin pe tson ketsin nyu shü.

⁴Ale kezün kentsun pfüthü gun yatse-e, ale nshvula loho, Npugü, nle azen kehü genyu. N tanyü kekhwen charun lo n thün le asun loti.

⁵A shwikerüchün nyu le a hyulo kegwa bin ka nle a genyu keho nda shü; Kerühvu sin nme zenkelo hontse nle a zenlo lo a honpen sü yile shü.

⁶A keyhunthen n kegwa lo n keso le azen zin hüti tse ale sha bin hü; lo kethonthen n ka pe a ka thyü hüti.