Read Southern Rengma Naga LÜHIN 24 Bible Online

LÜHIN 24 - Southern Rengma Naga bible

LÜHIN 24

¹Kazü gü lo tsünyu kebin dan aphu Npugü hon; Kazü gü lo tsünyu yhun kehü dan aphu a-hon.

²A-le kazü hensin zü kentsun so ge tsü thyüshü lo züda kentsun nyuki tsü bin thyü shü.

³Segü le Npugü rincho ge külo kegwa a-kenjü le bin nla? Segü le a-Kershvuka kenshün nyu yülo tila?

⁴Senyu le a-tho lo a-kerüchün nshün, teromen kezü rüshvu kemvu nmvue me sa hü kemvu nyu le ti.

⁵Npugü le jochü pe tsüdan tsüti lo tsüdan kenilo ti; Sunggigü le tsüdan le mumvu letse zoshwi shüti.

⁶Temi tsühontse kehü nyu le Sunggigü ki ryü hü, tsüdan le Jakob Sunggigü mhundyü ka ryü hünyo.

⁷Khinrun dan khinshe kenmhun shü, kakhin when dan khinshe shü, zankechwi raja güle yüryüti.

⁸Zankechwi raja hile segü ola? A-le Npugü, nko lo kvu, terinyu kvulo kehü Npugü le.

⁹Khinrun dan khinshe kenmhe shü, kakhin when dan khinshe shülo, zankechwi raja gü le yüryü ti.

¹⁰Zankechwi raja hile segü ola? Kvukelo Npugü, a-le zankechwi raja gü le!