Read Southern Rengma Naga LÜHIN 26 Bible Online

LÜHIN 26 - Southern Rengma Naga bible

LÜHIN 26

¹Ale thyüzümvule tse zoshü ta; O Npugü, ale nyu le njüyo tsü thyühü lo n tenyen tsen tsü kebin genyu.

²A kegwa keshvu shwishü lo a nda nzü shwilo, Npugü; A nyun lo a kerüchün dan kesüe shwilo.

³Nle sozin kehü tsüle a tson ketsin, lo n kentsen kenjü tsüle a tson rizin hü.

⁴Ale temi kenku nyu zen kengü mvu; ale kerokon kehünyu zen thame thyü mvu.

⁵Ale temi gwakemvunyu dan tsü shwinyü mvu lo serikemvu dan zen kengü hümvu.

⁶Npugü, ale thyü zümvu tse aben tsela, lo n kershvubin hun-o rüshvu.

⁷Ale nchekeno lüthyü lo n tho ndun kethyü aphu pe zo.

⁸O Npugü, nle bin kehü ka gü tsüle a kenyü, n zankechwi le kebin bin gü tsü.

⁹A khipe kemu nyu dan kesin-o nkela nya ta; me dukeshvu nyu dan nyu a nrho shülo

¹⁰gwünkho aphu ka serikemvu thyü kehü lo a-zintse jwelo ti tse nda bin kehü nyu dan ka.

¹¹A we, nyule njüyo tsü thyü hü; a shwi njün lo a kenishü ta!

¹²A pha le kazü ketejon nyu sobin; danda kehun nyu ale Npugü shweti.