Read Southern Rengma Naga LÜHIN 29 Bible Online

LÜHIN 29 - Southern Rengma Naga bible

LÜHIN 29

¹Npugü shwelo, hagun tsangge nyu dan; a-zankechwi lo a kekvu shwelo.

²Npugü zankechwi shwenlo, kenshün güle ryülo a-mhundyü nyu nkhün tsügü rüshvu lo.

³Züda dan soge Npugü khwen nyülo; zankechwi Sunggigü le tsangsen shü, lo a-khwen le züda so teshvunyu henla.

⁴Npugü khwen kekvu le a-rün pfü sa kethyü tsü nyülo.

⁵Npugü khwen güle sedar bin dan, Lebanon ge sedar bin dan shwekhora lahü.

⁶A-le Lebanon kazüthun thyü pe no methu nyu le nchwe keshü hontse lo Hermon kazüthun thyü pe no methu tsebwen shwagwün kehü hontse lahü.

⁷Npugü khwen gü le tsangkekeche hontse thyü chwiryü lahü.

⁸Npugü khwen le kazü kesi gü pfü keni shü; a-le Kadesh kazü kesi gü pfü keni shü.

⁹Npugü khwen le teshobin dan pfü kenushü lo senbin dan nyü vükerhi keshü ka temi nmeme tse a-Kershvuka nyu nra sen-o, “Sunggigü no zan kechwi thyülo!” tson.

¹⁰Npugü le züda so gon hü; a-le kethonthen raja hontse gon hü.

¹¹Npugü le kenko kenkin pe a-temi tsü hü lo kengü kegwa jochü pe anyugun tsü hü.