Read Southern Rengma Naga LÜHIN 3 Bible Online

LÜHIN 3 - Southern Rengma Naga bible

LÜHIN 3

¹O, Npugü, a shwikerchün nyule ditsüki thyü chonbin nla! a kentsun mi le chonsa bin nle.

²Temi kechon le azo-o, “Sunggigü kipon a-keche nme ndi,” tson bin nyon.

³Ai Npugü, nle a gida gü, nne a zankechwigü, lo a pe penso keshü güle.

⁴Ale nrao Npugü koshü, tsontsin a-le a-rincho kenshün ge ajo kenishü.

⁵Ale nyhao jütinla; ale chonlo; kechamvule Npugü le a ntsen kebin genyu.

⁶A shwikerüchünnyu temi yie tseryü le nda nron pfüo, ahunpfü bin-e ale nshvu loha.

⁷Soryülo, O Npugü, a kenishülo, O a Sunggigü! tson-o nle ashwikerüchün nyu aphu jonzhü shü: nne serikemvunyu dan hü boryü lalo.

⁸Kenikelo le Npugü hon: n jochü no n temi dan ge bin lolo.