Read Southern Rengma Naga LÜHIN 32 Bible Online

LÜHIN 32 - Southern Rengma Naga bible

LÜHIN 32

¹A-kemu jüpe tsü kela nyu, a-thyü kezü gwün petsü kela nyu le henkegwa tsin.

²Npugü no a-thyükezü pe a-nmu kemvu, lo me kesa nyun le a-ge kendi temi gü le henkegwa tsin nyu.

³Ale a kemu zoshwila kemvu ka, jongwün chüo a keyhun kenthyüla.

⁴Npugü, nle nhenyu lo kheje kie shaja pe atsü; tsangyün ka keyün le zü pho nsin la kehü hontse, a kekvu aphu ndila.

⁵Ale akemu dan shalo; Ale thyü kezü dan kebu lamvu. Ale tsüdan zoshwi pe nki shüla titse rhilo, lo nle a kemu dan aphu jü pe atsü.

⁶Tsügenyu n temi n jozen kehünyu aphu rhokedyü gwünkho ka nka himvulo shvu; kenjün kethyü keda le nmhesa tse datsü keryü ka tsüle anyugun ti loho.

⁷N le a kebu bin le; Nle kenjün kethyü nyu a kenilo ti. Ale nle kenikelo lüthyü tetso ti, nle antsen kelo genyu.

⁸Npugü le, “nle gü mvulo keshvu tson gü pe n senthyü shüti; ale zope nzen lo ntson tsin shüti.

⁹Keru nmvue gada nme hontse thasha kekho lomvu bin nya, tsüdan we no njozen nrün genyu mün kekhen sen ketsen hü,” tson shü.

¹⁰Serikemvunyu le kenjün thyüti, ai senyu le Npugü tenyen hüyo tsünyu we a-le sozin kehü gü nyu a-ntsenlo ti.

¹¹Kemitsin nyu, hagun kenyülo lo hagun sherhün lo. Npugü thodan genyu. Hagun a-jozen kehünyu, shekerhün genyu nra senlo.