Read Southern Rengma Naga LÜHIN 36 Bible Online

LÜHIN 36 - Southern Rengma Naga bible

LÜHIN 36

¹Kemu le temi serikemvu gü nyuki a-nthon hü; a-le Sunggigü keni hü nyo lo a-kerühvu ndi.

²A-le a-npvü a rüchün tetso ritsin kehü genyu, Sunggigü le a-kemu shalo-o a-nmu titse rüchün hümvu.

³A-jo kezo le serikemvu lo kenku lesü; a-le thakesha lo thakegwa thyü hümvu.

⁴A-le a-jünyu jüo tha gwakemvu rhihü; a-le thyü kehü dan nme gwamvu, lo a-le gwakemvu nme kenila hümvu.

⁵Npugü, nle sozin kehü le kügü tsangti; n kegwa le kügü nmhue ti.

⁶N kentsen kenjün le kazüthun ketetso hontse; n kenjü le züda kentsun hontse. Temi lo nyunkhu dan-e nucha bin hü nyo.

⁷O Sunggigü, nle sozin kehü tsüle ditsü laki a-mintsen yo no! Agun le nsekin hensin tesun kelo hyulo hü nyo.

⁸Agun le nle khi keshü chvü tyü kesü kela thyü bin hü nyo; nle agun no n kegwa züri nyu zü tsü hü.

⁹Kerhün ronzin aphu nge chwiryü, lo n keben genyu agun le keben hyulo.

¹⁰N sha kehünyu sozin hüta lo kemitsin nyu ge thakegwa thyü shülo.

¹¹Ketekho kehü temi no a when nmvue serikemvu nyu no a hü pe shwenla nyata.

¹²Temi gwakemvu nyu le dika chela yo shwi shü. Anyugun le tsüka chebin nisolo hoso.