Read Southern Rengma Naga LÜHIN 4 Bible Online

LÜHIN 4 - Southern Rengma Naga bible

LÜHIN 4

¹Ale nko keshüka a kehi nyü shülo, O Sunggigü a nopen shü kehügü! ale kenjünthyü kebin ka nle a cheshü, a shwinjün-o akehi nyü shülo.

²O hagun temi dan hagun le dithen laki a teshwen pe keja kepfü nyu shü bin tila? dithenlaki kenrunkeryü sobin tila, lo kenku then bin tila?

³Ai Npugü le Kemitsinyu khipe a-npvü a-denzi shülo kela sha loche, Npugü le ale a-ko shülo akhwenyü shüti.

⁴N shvuho tse solo, lo kemu thyünya; hirüla rüchün ntsun sashü, nle ntsematse nno ge nyha kebin ka.

⁵Ketsin kershvu dan thyü shülo, lo Npugü tenyen binlo.

⁶Temi kechon le hio, “Jochü pe agun tsü chon shüta O Npugü. Nmhun keben gü penso pe agun ge shüta! tson hü.

⁷Mele shye lo vain zu le chon kenyenlo lo mekenyü kehü nyeki nle nyunkenyü khipe anyun nyu shü laso.

⁸Ale, anyun bwenye tse zhüloti; kechamvule Npugü, nle a ntsen kebin genyu.