Read Southern Rengma Naga LÜHIN 43 Bible Online

LÜHIN 43 - Southern Rengma Naga bible

LÜHIN 43

¹O Sunggigü, ale mu mvu tse zoshwi shüta, a nopen-o tenyenkemvu dan nren shülo; kenku lo temi serikemvu dan ben nyu a kenishü ta!

²Nle a kentsen gü; nle nyuthyüo akhela la? Nyuthyüo ano a shwikerüchün nyu rigwakemvu nyu kenjün thyü mvulo shvula la?

³N keben lo nketsin nishülo; tsü no a tsonri lo azen rani ryüo n kenshün kazüthun Zion ge, lo nle anyu yhun kehü n Kershvuka nyu shülo.

⁴Tsonlo, O Sunggigü, ale n kershvubin ka güti; n ge anyun kenyü hyulo hü. Ale a lükhin sen-o lüthyü n shwen ti, O Sunggigü, a Sunggigü.

⁵Nyuthyüo ale anyun gwamvu sa bin tila? Nyuthyüo ale kenjün thyü sa bin tila? Ale akenrin pe Sunggigü ge shüti, lo gwüngwa me ale a kenikelo gü a Sunggigü shwen niti.