Read Southern Rengma Naga LÜHIN 46 Bible Online

LÜHIN 46 - Southern Rengma Naga bible

LÜHIN 46

¹Sunggigü le ngun kesun lo kenko, thyülo keshvu gwünkho ka ngun cheshü ti tse ndazin bin kehü gü.

²Tsügenyu keshanyu laka kazü le nnu laya tse-e lo kazüthun dan le züda kentsun nyu chetsü lae ngun le nshvula loho;

³züda dan le nthün-o nho, lo rinchothun dan le nyuntao nnula yatse ai.

⁴Shekerhün senryü Sunggigü nyida günyu shü, lo ketetsotsin gü kenshün ka gü nyu shü kehü züri nme le bin nyo.

⁵Sunggigü le nyida tsünyu bin hü, lo thame kae tsü nkela loho; lonyü nshwen a-le ryü tsü keche shüti.

⁶Tenyen kemvu dan le a-kerüshvu la, rajaphen dan sü kenula; kazü güle zunla, Sunggigü le nra keshüka.

⁷Kekvutsin Npugü le ngun zen hü nyo; Jakob Sunggigü le ngun kesun güle.

⁸Ryüo Npugü le nyuthyü shüyo nri shü. A-le kazü nyu ndun kethyü dihontse thyü shüyo nrishü.

⁹A-le kazü aphu nyu teri dan khin la; a-le levü dan borenla, min dan ko boren la, lo gida dan khipe rola.

¹⁰A-le zo, “Teri thyünya gwün,” lo “ale Sunggigü tse kethyü shalo lo, tenyen kemvunyu dan nyu kedagü, kazü aphu so keda gü.”

¹¹Kekvutsin Npugü le ngun zen hünyo; Jakob Sunggigü le ngun kesun güle.