Read Southern Rengma Naga LÜHIN 48 Bible Online

LÜHIN 48 - Southern Rengma Naga bible

LÜHIN 48

¹Npugü le gon lo a-shwen sa kethyüi a-kenshün rincho ge, ngun Sunggigü nyida gü nyu.

²Sunggigü kazüthun Zion güle tetso lo zegwa sa; raja keda gü nyida güle shekerhün senryü kazü aphu tsüshü.

³Sunggigü le tsin keshü le nyida gü a-zen-o chwida nyuzin kebin le kenshvu ndi.

⁴Raja dan le kequenlo njio ryüo Zion kazüthun when.

⁵Ai anyugun le tsü hyu keshüka, anyugun dun thyüla; anyugun le nshvuo kehü tinla.

⁶Tsüka anyugun le tenunyu nme le nyunzen gü kejü hontse nshvu lo kenjün thyülo la,

⁷Tsangkenbu terhi nme le run whünren whünrü kela hontsela.

⁸Sunggigü le thyü keshü rüla ngun le nyülo hü, lo ntsoka we ngun le ngun Sunggigü, kekvutsin Npugü, nyida günyu tsü hyu laso; a-le kethonthen nyida gü ntsen binti.

⁹O Sunggigü, Kershvuka nyu ki, agun le nle sozin kehü tsü rüchün hüti.

¹⁰Liki hikie temi le n shwen hünyo, lo nrüla le kazü aphunyu ti. Nle kenjü sen keda thyü;

¹¹Zion temi dan no sherhün lo! Nle ketsinyu mejün kera shü; Juda nyida dan nyu shekerhün no binlo nu!

¹²Sunggigü temi dan, tsonchü Zion hun lo tsokhwe dan swü shülo;

¹³chwida kabon dan lo chwida shwi petsüo shalo lo, tson-o ryükejü shenshün dan ka zoshü lo nrün genyu:

¹⁴“Sunggigü higü hile kethonthen ngun Sunggigü le, a-le ryükejü gwünkho aphu nyu ngun tsonri hüti.”