Read Southern Rengma Naga LÜHIN 52 Bible Online

LÜHIN 52 - Southern Rengma Naga bible

LÜHIN 52

¹Kekvugü, nle nyuthyüo gwakemvu nyu kemakin hü nla? Sunggigü kegwa le kethonthen binzin hü.

²Nle me kechanyu nkela ti tse nda hünyo; n yi le pekü ayikegwa hontse. Nle a zintse kenku jodan fü hünyo.

³Nle kegwa gü nyeki gwakemvu, lo ketsin gü nyeki kenku gü sokvu hü.

⁴Nle n jo pe me jünla nyü hü, nle kenku nyu!

⁵Tsügenyu Sunggigü le kethonthen n nkela ti; a-le n kanyu nsüshwi lati; a-le kerhün nyu kazü günyu n khipe shwe lati.

⁶Kemitsin nyu dan le hi hyu shüo nshvula ti; tson-o anyugun le a-shwinyüo,

⁷“Likili, Sunggigü lope a-kentsen gü thyü kemvu temi gü, a-le n nya sa kebin a-kenya tenyen-o a kenya le a kenishü ti tse fü kehü gü leli,” tson zoti.

⁸Ai a we Sunggigü kanyu yhun pe Oliv bin hontse ti; ale kethonthen a-le sozin kehü tsü tenyen hü.

⁹Sunggigü, nle nyuthyü shüyo, ale azintse n cheno hü; n temi dan nyu ale n kegwa zo hüti.