Read Southern Rengma Naga LÜHIN 53 Bible Online

LÜHIN 53 - Southern Rengma Naga bible

LÜHIN 53

¹Kepin nyu le a-npvü a-nthon-o, “Sunggigü ndi le” tson hünyo. Anyugun aphu gwamvu laso, lo anyugun le thakenrin thyü laso; nyule njüyo tsü kethyü temi nme ndi laso.

²Sunggigü le tsangge bin-o temi thakesha a-rüshvu kehünyu nme bin le nmvuyo shwishü.

³Ai anyugun aphu rani kü la, anyu gun aphu shvu ketun küla. Anyu gun nme ntie nyu le njü yo tsü thyümvu, nme ndi.

⁴Sunggigü le ketsohü, “Anyugun le shabin mvu ole?” “Gwakemvu thyükehü hidan hile tharüchün lomvu ole? Anyugun le a temi dan hon setyüo yhun bin nyo, lo anyugun le thame kae aka kehi thyü hümvu.”

⁵Ai anyugun le anyu kerüshvu loti, anyugun le himhundyü tson hü kemvu hontse, kechamvule Sunggigü le a-temi shwikerüchün nyu dan ru bokezen lati. Sunggigü le anyugun keni laso, tsügenyu Israel le anyu nyeki kvu shülo lati.

⁶Kvukelo no Zion nyu chwiryüo Israel ge ryü nda tse ale hi hü nyo. Israel temi dan le sherhün pe dihontse tiyo no Sunggigü le anyugun no gwakenye ni kelo nyü.