Read Southern Rengma Naga LÜHIN 54 Bible Online

LÜHIN 54 - Southern Rengma Naga bible

LÜHIN 54

¹O Sunggigü, n kekvu nyu akenilo ta; n kekvu no a khishwi shülo!

²O Sunggigü, a kehinyü shülo; a jo dan nyü shüta!

³Temi ketekho kehü dan le a when ryü zhünyo; temi a-jvü gwakemvu, Sunggigü sükemvu dan le a dushvula ti ya nda bin nyo.

⁴Ai Sunggigü le a keche gü. Npugü le a keno gü.

⁵Sunggigü no a shwikerüchün nyu gwakemvu tsüpe anyugun npvü anyu shaja thyüshü nda. A-le jo ketsin sen kehü genyu anyugun nkela ti.

⁶O Npugü, ale anyun kenyü thyü rora thyü pe ntsüti; nle gwakethyü genyu ale chenkeno pe ntsüti.

⁷Nle a kenjün kethyü aphu nyu akenishü, lo ale a shwikerüchün nyu so kvulo kela hyu laso.