Read Southern Rengma Naga LÜHIN 56 Bible Online

LÜHIN 56 - Southern Rengma Naga bible

LÜHIN 56

¹O Sunggigü, a shwi njün shülo, mele a when kebin genyu; a shwikerüchün nyu le gwünkho aphu ka a nthyü nnyü bin nyo.

²Jongwün a kentsun nyu dan le a when bin nyo. A zenkenren kehünyu le kechon le hü nyo.

³O Npugü, kekvutsin gü, ale nshvu kelo ka, ale ntenyen hü nyo.

⁴Ale Sunggigü tenyen hünyo lo ale nshvu mvu; A-le zoshwikeshü jo genyu ale a-shwe hü. Temi le a ge nyuthyü lomon?

⁵A shwikerüchün nyue jon gwün a kevü hü; anyugun le a-zintse tha peha ka a nthyü titse rüchün hünyo!

⁶Anyu gun le kekebu bin dan ka kequen-o a dushvu loti a do tseo ale nyuthyü binyo nrin bin hünyo.

⁷O Sunggigü, anyungun gwakemvu shaja pe tsü shüta; n nyunkenta nyu temi tsüdan so kvula lo!

⁸Ale dihontse kenjün thyüyo nle shabin; nle ayhüphu keche dan thu njün nyo. N lesü nyu tsü thu bin mvu ole?

⁹Ale nko keshü jon nyü, a shwikerüchün nyu dan le ranila ti. Sunggigü le akipon: Ale sha,

¹⁰ale Npugü johokeshü dan shwen hünyo.

¹¹Ale a-tenyen hü, lo ale nshvula loho. Temi le a ge nyuthyü lomon?

¹²O Sunggigü, ale nyu zoshü njüyo tsü pe ntsü tile; Ale chenkeno pe ntsü ti,

¹³nle kesinyu a kenishü, lo mele anyeki kvula lo kegwanyu a ntsen kelo genyu. Tsügenyu ale Sunggigü mhundyü nyu tsonchü ti, kerhünyu gwün nben kehü keben gü nyu.