Read Southern Rengma Naga LÜHIN 57 Bible Online

LÜHIN 57 - Southern Rengma Naga bible

LÜHIN 57

¹A shwi njün shülo, O Sunggigü, a shwi njün shülo, ale n no a ntsen lolo tse nki ryü kejü genyu. Tsangkenbu terhi hile güla kemvuthen nsekin hensin nyu tesun bin ti.

²Sunggigü, ketetso tsin gü, ale sen mvulo keshvu lihi-e khishü kehü Sunggigü koshüti.

³A-le tsangge a kehi nyü shüo a kenilo ti; a-le a nshwe kehü dan nyekvu loti. Sunggigü le a-le sozin kehü lo a-joketsin pe ahi shüti.

⁴A shwikerüchün nyu temi tyü kehü shünyho hontse kethyü le a hun bin nyo, Anyugun hüle mi lo tholevü hontse; anyugun yi le zhethon yikegwa hontse.

⁵O Sunggigü, tsangge n keda lo kazü aphu so n zankechwi pe hi shüta.

⁶A shwikerüchün dan le a ten lo titse joh süren njün; ale ashese bin. Anyugun le atson nyu chwe tso shü, ai anyugun npvü tsünyu che laso.

⁷O Sunggigü, a le n tenyen ngwa bin nyo; ale lüthyü nshwenti!

⁸Chonsoryülo, akapu! Chonsoryülo, a lükhin lo a lükhin ron kebin gü! Ale yhüko kesun shüti.

⁹O Npugü, tsipwen dan dan nyu, ale ncheno ti, ale temi dan dan nyu n shwen ti.

¹⁰Nle sozin kehü tsüle kügü tsang ti binnyo; n joketsin kezo tsüle nmhu dan-e ti bin.

¹¹O Sunggigü, tsangge n keda lo kazü aphu so n zankechwi pe me hishü ta.