Read Southern Rengma Naga LÜHIN 58 Bible Online

LÜHIN 58 - Southern Rengma Naga bible

LÜHIN 58

¹kekvu kesen nyudan hagun le kenjü nyu jopen shü hü ole? Hagun le kenshün kenjü nyu temi aphu jün kera shü hü ole?

²Nmvu, hagun le thagwakemvu thyükelo nti rüchün hünyo, lo kazü günyu tejvü gwünrho- kegalo hünyo.

³Temi gwakemvunyu le ayhunthen thyüzü hünyo; anyugun le nnyun kelo jonyü nyu nku soryü la hüny"o.

⁴Anyugun le peri hontse terün lope anyugun süpfü hünyo; anyugun le rihen a-nyetin kerügü hontse tha khwen nyülo hümvu,

⁵tson-o peri nsü kehü gü khwen nmvu-e jado dokegwanyu le nsü kebin khwen nyü hümvu.

⁶O Sunggigü, shünyho hidan hü boryü lata.

⁷Zü le jenla kehü hontse anyugun no ndi lata; tsonyu jontsü hontse anyugun kedyü lata.

⁸Anyugun no nnyü le jenkela hontse lata; anyugun no nyuhonyu a-kesi nnyu-o keben hyukemvu hontse lata.

⁹Anyugun le shakemvuka, jontsü hontse anyugun duthü lata; anyugun le yhun bin nsen Sunggigü le anyunkenta nyu anyugun nmhü pe shwe lati.

¹⁰Kemitsinnyu le kemunyu le shaja kethyü hyu keshü ka anyugun kenyü lati; anyugun le serikemvunyu dan zi rhüntin lati.

¹¹Temi dan le, “Kemitsinnyu le a-chün hyulo hü ketsin; lo kazügü jünkera kehü, Sunggigü le bin ketsin le” tson zoti.