Read Southern Rengma Naga LÜHIN 6 Bible Online

LÜHIN 6 - Southern Rengma Naga bible

LÜHIN 6

¹O! Npugü, nnyunkenta nyu a rho nyalo, nmvu-e n kenyükemvu nyu avü nyalo!

²A shwinjün shüta, O! Npugü; ale kvu kemvu genyu" O! Npugü, athyü kesherhün shülo, aru dan-e arhiri bin kela genyu.

³A kapue kenjü thyüri laso: O! Npugü dithenlaki honbin mon?

⁴O! Npugü niryüo a kenishü ta; n shwikenjün nyu a kenishüa.

⁵Kechamvule kesinyu le n kerüchün nme ndi lati; sikanyu segü le nshwe mon?

⁶Ale kenjün thyüpe adyü zinri laso; khensin a yhüphu che; a yhüphu tsun pe a pekhün rhen.

⁷Anyun kenjün kethyü genyu a yhütyü le tha hyu ntsen mvu laso; ashwikerüchünyu dan aphu genyu ano kvumvu laso.

⁸Tinla lo, hagun serikemvu nyu dan aphu! Npugü le a kechü khwe nyülo kela genyu;

⁹Npugü le a kehi nyülo laso, Npugü le a kehi kenishü ti.

¹⁰A shwikerüchünyu aphu kvulo mvulao kejapfü ti; anyugun no whütse keja pfüo ranila ti.