Read Southern Rengma Naga LÜHIN 61 Bible Online

LÜHIN 61 - Southern Rengma Naga bible

LÜHIN 61

¹O Sunggigü, akhwen nyü shüta; a kehi nyü shüta!

²A ka zen nithen ki, lo a rhokedyü nyu ale nko hü nle! Azen gü kenshvu kendi bin nyu shüta,

³kechamvule nle a kesun gü, a shwikerüchün nyu mhundyü nyu a chwida kenko gü le.

⁴A no a yhunthen n Kershvuka nyu hüta; a no nsekin hensin techwen kelo bin hyu lota.

⁵O Sunggigü, nle ale zoshwikeshü dan nyülo laso, lo nle nrühvu kehünyu dan hon tsü khipe atsü laso.

⁶Chen kechon pe raja gü keyhun sin shü; a-no yhunthon lota.

⁷O Sunggigü, a-no nkehü bin nyu kethonthen keda thyüta; nle sozin kehü lo joketsin kezo nyu a-ntsen hülo.

⁸Tson-o ale azintse lüthyü nshwen ti, lo ale nyu zoshwishü njüyo khenyütsen tsüpe ntsü hüti