Read Southern Rengma Naga LÜHIN 62 Bible Online

LÜHIN 62 - Southern Rengma Naga bible

LÜHIN 62

¹Sunggigü no a kenishü nrün ale nyhenhio khwen bin nyo; ale a-nti tenyen kebin gwünzin.

²A-nti a keno lo a kenikelo gü; a-le a kesun gü, lo ale thame kae kvulo mvu loho.

³Dithen laki hagun aphu chwi boren kela nyeki kvukemvu temi gü when bin ti ola?

⁴Hagun le kerühvu bin nyu a-khishe lanyü kebin gwünzin; lo kenku le hagun kenyü. Hagun le jochü pe metsü hü, ai hagun nyuki a-swetsü hü nyo.

⁵Ale Sunggigü nti tenyen hü; a kenrin le a-ge bin nyo.

⁶A-nti a keno lo a kenikelo gü; a-le a kesun gü, lo ale thame kae kvumvu la loho.

⁷A kenikelo lo kerühvu le Sunggigü ge bin nyo; a-le a keno kenko gü; a-le a yho gü.

⁸A temi dan, gwünkho aphu ka Sunggigü tenyen hülo. N thyülo keshvu aphu pe a-ka zoshülo, kechamvule a-le ngun keno gü le.

⁹Temi aphu teshe hengwa hontse; keda gü lo keshe güe a-keme lihi kemvu. Anyugun khipe kesükü ka shüshü, lo kensu thame ndi; anyugun le kehen teshe nyeki nshekvu.

¹⁰Thagwakemvu kethyü tenyen nya; me hon sekelo genyu kechwi hyulo ti ado tse nrin bin nya; n kenya le chonkenye bin yatse-e tsü tenyen nya.

¹¹Gwüngwa ntimvu ale Sunggigü ki nyükelo le kekvu le a-hon

¹²lo a-keso le kethonthen le tsezo. O Npugü, nle n npvü, nme me a-tho hontse a-chün thyüpe tsülo.