Read Southern Rengma Naga LÜHIN 63 Bible Online

LÜHIN 63 - Southern Rengma Naga bible

LÜHIN 63

¹O Sunggigü, nle a Sunggigü, ale n nnyü ho hü nle. A kerhünronzin apentha n nnyü bin nyo; kazü kesin kekü lo zü kendi hontse, a kapu le n nnyü ho pe teri bin nle.

²A no Kershvuka günyu n hyu shüta; nle ditsüki kvu lo zankechwi thüyo a no hyu shüta.

³Nle sozin kehü tsüle keyhun nye gwakvu, tsügenyu ale nshwen ti.

⁴Ale yhun kebin then chenkeno pe n tsüti; ale kehi kethyünyu a ben shwe pe nki shüti.

⁵A kapu le ho ketegvü loti, lo ale nyun kenyü lüdan thyü pe n shwen ti.

⁶Ale ajünyu jükelo ka, ale n rüchün; ale khensin nrüchün hü,

⁷kechamvule nle a-zintse ache hü. N sekin hensin nyu a shekerhün lüthyü hü.

⁸Ale n nsü bin, lo n ben le a ntsen hü.

⁹A dushvula ti tse nda kehü nyule kesi kazü günyu nshela ti.

¹⁰Terinyu anyugun ga lao teken dan le anyugun min tyüla ti.

¹¹Sunggigü le kvukelo khipe a-ketsü genyu raja güle a-sherhün ti. Sunggigü zan nyu jo zoshwishü kenjü nyu dan le a-shwenti, ai kenkunyu dan mün we khin lati.