Read Southern Rengma Naga LÜHIN 64 Bible Online

LÜHIN 64 - Southern Rengma Naga bible

LÜHIN 64

¹Ale kenjün thyü bin nle, Sunggigü a kehi nyü shüta! Ale a shwikerüchün nyu nshvu bin nle a keni shülo!

²Serikemvunyu le a nden kebin, lo temi gwakemvunyu le a when kebin nyu a ntsen shülo.

³Anyugun yi le zhethon yi hontse lo anyugun rigwakemvu jo dan le tholevütsi hontse a nden bin nyo.

⁴Anyugun le keja kemvu kenku jo dan, zo pe kesü thyü whütse shü hü; anyugun sele genyu temi kegwanyu nkela hü nyo.

⁵Thagwakemvu rhio anyugun le khinyunyu thyü kepeche bin hü! anyugun chwa pe bin dika nsen shüti yo tse kenthon-o, “Temi nme hyulo kemvui le,” tson zobin hünyo.

⁶Anyugun le thagwakemvu dan rhio, “Ngun le tejvü borho lo kegwa rhi penlo laso,” tson zobin hünyo.

⁷Ai Sunggigü le a-levü kvupe anyu shweshü, tsontsin anyugun le jün la.

⁸Jo tsüdan genyu a-le anyugun nkela ti; tson-o anyugun kehyunyu aphu a-pepvü kegün ti.

⁹Anyugun aphu nshvu-o; Sunggigü le nyu thyü shüyo tsü rüchün lo a-tho dan pe me ka zoti.

¹⁰kemitsin nyu aphu Npugü le nyu thyü shüyo tsügenyu a-sherhün ti. Anyugun le a-kanyu kenshvu kendi hyu loti; temi kegwanyu aphu a-shwenti.