Read Southern Rengma Naga LÜHIN 65 Bible Online

LÜHIN 65 - Southern Rengma Naga bible

LÜHIN 65

¹O Sunggigü, agun le Zion nyu n keshwen, lo n ka agun johokeshü then kethyü a-zü le,

²nle kehi kenishü kehü genyu. Temi lika hika kehü nyu-e nki ryüti

³anyugun kemu genyu. Agun kemu dan le agun nyeki kvula, ai nle tsüdan jü shü laso.

⁴nle no n Kershvuka nyu yhun ti tse senyu zen ryüyo, tsüdan le henkegwa nyu le. N kanyu thakegwa dan pe agun kenyü sa ti, tsüle n Kershvuka kenshün günyu jochü dan.

⁵Nle agun kehi nyüshüo kvukelo pe agun tsü, lo nle agun kenilo nrün genyu ndun tho thyüshü. Kazü nyu temi aphu lo züda kenken nithen ki nyue n tenyen hüti.

⁶Nle n kekvu nyu kazüthun dan pe a-bin bin ka shü, tsüle n kekvu tesha bin nyo.

⁷Nle züda dan kenho lo zükentyü khwen dan no je tsela; nle temi kevükeben kehü dan no ma tsela.

⁸Nle thakeda thyü keshü dan genyu kazü temi a-pentha n nshvuti. N th0 dan le kazü keni nmezin gü kecha kipon keti shekerhün nrasen kethyü senryü.

⁹Nle tsangkenri nishüo, nle kazü gü nucha kehü tesha shü; nle tsü thyüpe no bwen lo nnya shü. Nle züpe rinyu dan kesü thyü shü; nle kazü nyu ketyü ketsü no yhunlo. nle hihontse thyü shü:

¹⁰nle tsangri sa pe low yhen kenjü soge shüo tsü ntsen shü; nle tsangri pe nnyo gü ntsen nbwen shüo tehen kebwen dan no yhun chwiryü.

¹¹N kegwa genyu lowgvü salo! Nle lihika güe kesükela thyü.

¹²Senru dan le shaipfü kesükela thyü; rincho kile nyun kenyü thyü.

¹³Tanyü le lowjvü hen; kazü ketejon nyu low le kesü thyü. Tha aphu nrasen-o shekerhün thyü bin.