Read Southern Rengma Naga LÜHIN 7 Bible Online

LÜHIN 7 - Southern Rengma Naga bible

LÜHIN 7

¹O Npugü, a Sunggigü, ale tenyen kehügü, ale nki ryüzhü nle; a nshwe kehünyu aphu ben nyu a ntsen lo lo a kenishü ta,

²tson kemvu we a-nyugun le shünyho hontse atün sen tin lati; tsünyu temi nme a kenishü keloi ndi, lo anyugun le tsüki a süthü sürü lati.

³O Npugü, a Sunggigü, ale tha hidan hi thyüla yatselo, age a-zükemvu le bin yatselo, ale a pvünyu azen kengügwa kehünyu ge thyüzü njü nmvue a-kon kendi ka a shwikerüchün nyu hon selo njü yatselo,

⁵tsonyatselo a shwikerüchün nyu no a nshweo a tenlo lata, anyugun no a dusheshüo a boshvu lalo lo a dushvu pe kazü nyu shü lalo!

⁶O Npugü, n nyun kenthün nyu soryülo! a shwikerüchünnyu nyun kenthün ntsun nrün genyu solo; so-o a che shülo! Nle ketsin gü tsü lonyü bin nyo,

⁷tsügenyu temi aphu zen ryüo n hunpfülo, tson-o teso ge bin-o tsüdan so gonlo.

⁸Nle temi aphu ketso nrüngü. O Npugü, shwikenjün ka aketso lo; ale kemitsinyu tsekethyü nle sha bin nyo.

⁹N ne kentsen Sunggigü lo nle agun kerüchün lo agun le nnyü kehü dan aphu pe agun ketso ti. Temi gwakemvu dan serikemvu khinla lo kegwa nyu chün pe tsülo.

¹⁰Sunggigü le akesun gü; A-le senyule a-jo zen hüyo tsünyu kenishü hü.

¹¹Sunggigü le kenjünyu mejün kera kehü gü lo azintse serikemvunyu nmu hü nyo.

¹²Keshanyulaka anyugun le a-nyu tson dan kelulomvu yatselo, Sunggigü le a-zhethon yi thyülo ti. A-le a-levü sügi pe nda loti;

¹³a-le boshvula kehü kanyü dan nda loti lo kenrin kethyü a-tho dan khipe nden loti.

¹⁴Hire, serikemvu nyu le gwakemvu rüchün hünyo; kevü rhi lo mesa hünyo.

¹⁵Ai me nsen kehü nyu le a-npvü a-sen nyu minla hü.

¹⁶Tsühontse anyugun npvü a-nyugun gwakemvu shaja hyulo hü,

¹⁷Ale Npugü shwen, Kechamvule a-le njü, Ale lüthyü pe Npugü, ketetsotsin gü shwe hünyo.