Read Southern Rengma Naga LÜHIN 75 Bible Online

LÜHIN 75 - Southern Rengma Naga bible

LÜHIN 75

¹A gun le chenkeno pe ntsü bin nyo, O Sunggigü, a gun le chenkeno pe ntsü bin nle! Nle ditsüki gonyo lo nle thyükeshü ndunkethyü dan pe meka zo hü nle.

²Sunggigü le zo, “Ale njün kera nrün gwünkho tho njü nyo,” “lo ale kenjü nyu mejün kerati.

³Yhunkehü nyunkhu lihie nsü ndün bin-e lo kazü güle n nu layatse-e, ale tsü binjwen gü no nko bin ti.

⁴Ale serikemvu güno kemakin nyalo tse zoshü;

⁵ale anyugun no ketekho nya gwünlo tse zoshü le.”

⁶Mejün kekera le npho nmvue nkhün zin, tesa nmvue tesin kipon ryümvu;

⁷tsüle Sunggigü, mejün kekera gü, peha penso lo peha süshe lati.

⁸Npugü le a-ben nyu a-nyunkekhü zu kekvu lope sü kethyü honpen nme sen hünyo. A-le tsü jashü ti, lo serikemvu nyu aphu tsü tsü kü ti; anyugun le tsügü ja kekhin tsin keti tsü ti.

⁹Ai a we le, Jakob Sunggigü rüla zo nmvue a-keshwen lüthyü kheshü loho.

¹⁰A-le serikemvu nyu kekvu gü bose lati, ai kemitsin gü kekvu le chon kenye loti.