Read Southern Rengma Naga LÜHIN 76 Bible Online

LÜHIN 76 - Southern Rengma Naga bible

LÜHIN 76

¹Juda dan nyu Sunggigü sha hü; Israel dan nyu a-zan rühvu hünyo.

²A-le Jerusalem nyu a-ka le bin; a-le Zion kazüthun ge yhun hü.

³Tsüka a-le a-shwikerüchün nyu tholevü tsi, anyugun gida, zhethon lo anyugun teri kanyü dan aphu bose bore laso.

⁴O Sunggigü, nle ditsüki zankechwi thyüla! Nle n shwikerüchün dan nyeki kvu lao kazüthun dan kipon rani ryü kejü, ditsüki terün pfü yo no.

⁵Anyugun temi kepeche dan le sen kehü tsü aphu yhünlo la, tson-o ntsoka we kesi kejü nyu jübin nyo; anyugun kenko kenki lo anyugun da kegwa tsü aphu a-kenrun thyüla.

⁶O Jakob Sunggigü, nle anyugun kedün keshüka, keru lo tsüge kedun dan le cheo sila.

⁷Ai Npugü, temi aphu n nshvu. Nle nnyunta lo selo temi nme-e nmhundyü sobin loho.

⁸Nle tsangge mejün kekera tesha shü; kazü gü le nshvuo matse la,

⁹nle so-o kazü nyu mele nshwe nyhün kehünyu kenilo titse jokera zoshwi keshü ka.

¹⁰Temi nyunkenta genyu nshwen chon keloi gwünzin; terinyu simvukelo dan le n nga gü then hüti.

¹¹Nle n Npugü Sunggigü ka, nyu zoshwishü njüyo khipe a-tsülo; Sunggigü le temi thyü pe no a-nshvushü;

¹²a-le ketekho kehü rajanyu dan thyü tsenyo, lo raja keda dan kerüshü hünyo.