Read Southern Rengma Naga LÜHIN 84 Bible Online

LÜHIN 84 - Southern Rengma Naga bible

LÜHIN 84

¹Kekvutsin Npugü, ale ditsülaki n Kershvuka tsüle a kenyüla!

²Ale tsünyu bin nyü le! Ale Npugü Kershvuka n nyüri tsinle! Shekerhün genyu ale a keyhun apentha pe lüthyü pe kerhün Sunggigü ki shüti.

³Rinyu le a seü thyü, lo sentu ko a-ka le bin; tsüdan le a-nyu pe n kershvubin khoka shübin, kekvutsin Npugü, a raja lo a Sunggigü.

⁴N Kershvuka nyu yhun kehü nyu le ditsülaki sherhün bin yo, a-zintse lüthyü nshwen bin hü.

⁵N kipon kenko hyulo kehü nyu le ditsüki thyü sherhün la, anyugun le Zion thun ki njwen gü nyü ho hü nyo.

⁶Anyugun le kazü kesi Baka ketejon gü pfüthü gun kejü ka tsüle zükenthün bin thyüla; seryü tsangri le zübun ndün pe süla.

⁷Anyugun le nko ketsintsin lola; anyugun le Zion ge Zion Sunggigü hyuti.

⁸Kekvutsin Npugü Sunggigü, a kehi nyü shülo. O Jakob Sunggigü, nyü shülo.

⁹O Sunggigü, jochü pe a gun raja tsülo, nle kejülo kela raja gü.

¹⁰Khenyüme n Kershvuka nyu kebin le bin kechaki chen yie nme kebin nyeki gwakvu; ale a Sunggigü chonrha ka sokebin le serikemvu kanyu yhunkebin nyeki a kenyü.

¹¹Npugü le a gun keno gü lo zankechwi rajagü; keso kerühvu pe n gun tsühü. Kenjü tho thyü kehü genyu we a-le thakegwa lihie pe tsümvula hümvu.

¹²Kekvutsin Npugü, n tenyen kehünyu le ditsülaki sherhün hü nla!