Read Southern Rengma Naga LÜHIN 85 Bible Online

LÜHIN 85 - Southern Rengma Naga bible

LÜHIN 85

¹Npugü, nle n kazü gü shwi njün ryü; nle Israel nyu no gwakenye nilo.

²Nle n temi dan kemu jü pe tsü laso, lo anyugun thyü kezü aphu jü laso.

³Nle anyu ge n nyunta kebin khela lo n nyunkenthün sünila.

⁴O Sunggigü, a gun kenikelo gü, a gun zen niryülo, lo a gun ge n kenyümvu kehü tsü sünila.

⁵Nle kethonthen a gun ge nnyunta bin ti ole? Thame ka nnyunkenta khe kemvui ole?

⁶A gun thyü n koni shülo, lo agun n temi dan le nshwen ti.

⁷O Npugü, nle sozin kehü pe a gun hishülo, lo n kenikelo khipe a gun tsülo.

⁸Npugü Sunggigü le nyu zo bin yo ale nyü bin nle; a-le nyun kebwen pe n gun a-temi dan tsü titse zobin, n gun le n gun kepho tson nyu rani gü mvu yatselo.

⁹Ketsin a-le a-rühvu kehünyu kenilo titse nda bin nyo, lo a-kenikelo tsüle n gun kazünyu hüti.

¹⁰Keso lo joketsin kezo hvu le keteno ti; kemitsin lo nyun kebwen hvule kenba ti.

¹¹Temi joketsin kezo le kazü nyu bin-o kü ti, lo Sunggigü kemitsin le tsangge tsüryü ti.

¹²Npugü le n gun thyü pe nnya shü ti, lo n gun kazü nyu kechon gvülo kegwa le chwiryü ti.

¹³Kemitsin le Npugü mhundyü nyu gun ti lo a-genyu tson gü ndo shüti.