Read Southern Rengma Naga LÜHIN 87 Bible Online

LÜHIN 87 - Southern Rengma Naga bible

LÜHIN 87

¹Npugü le rinchothun kenshün gü ge a-nyida gü thyüshü;

²Israel kazünyu bin kecha aphu nyeki a-le Jerusalem nyida gü le a-kenyü kvu.

³O Sunggigü nyida, a-le nrüla ndunkethyü dan zo kebin, nyüshülo:

⁴“Ale a khwennyü kehü tsipwen dan thu kethen kethyü ka Ijipt lo Babilon pe sinshü; Filistian, Tur lo Sudan temi dan ale Jerusalem nyu keyhun nyu dan nyu swü shü ti.”

⁵Lo Zion rüla zo-o, “Higü hi lo ligüli le a-rünyi nyu nnyun lo le,” tse zoti kechamvule ketetso tsin güle a-npvü a-penso shüti.

⁶Npugü le temi dan zan thu kethen kegun ka anyugun ko aphu swüpe Jerusalem phennyü nyu thyüti.

⁷Lükethyü nyudan lo dakethyü nyue a-kenme tse, “A jochü dan aphu n ka chwiryü hü nle,” tse zoti.