Read Southern Rengma Naga LÜHIN 91 Bible Online

LÜHIN 91 - Southern Rengma Naga bible

LÜHIN 91

¹Ketetsotsin gü hensin nyu bin kehü gü, kekvutsin gü she nyu sun bin kehü güle,

²Npugü ka, “Nle a keno lo a chwida le; a Sunngigü ale tenyen kehü güle tsonzo ti.”

³Kechamyule a-le kekebu ki kenshvu le kebin dan ka, lo sila lo kegwa kethyü kenyü nyu n ntsen loti.

⁴A-le a-sekin pe n gwen loti; lo a-le n nucha lo lao n no kenshvu teno mvu loti; a-kentsen kenjü tsüle n gida lo nnyun kesun le.

⁵Nle kheje ki kenrin kethyü gü nmvue nhenyu tho le shwa kehü dan nshvu mvue gwa

⁶kezün ki kehü kenpen gü lo nhenyu lvü ka kenke tsü nshvu mvue gwa.

⁷Yie nme le n khoka sila, yetseryü le n hunpfü bin ai n nthyü nnyü loho.

⁸Dihontse serikemvu nyu le a-shaja hyulo hüyo nle hyuti.

⁹Nle Npugü pe n keno gü thyülo kela, lo ketetso tsin gü pe n kehü bin thyülo kela genyu,

¹⁰thagwakemvu nme no n ge ryü loho, kenjün kethyü nme no nka kho nni loha.

¹¹Kechamvule a-le tsanggelonyu nipe no ntson aphu nyu n khwen lo nrikhun loti.

¹²Anyugun le n penlo lati, tso ge n pha jünla lo keshvu genyu.

¹³Nle shünyho lo peri so pela ti, shünyho kensho lo peri kerhu dan kedyü lati.

¹⁴Sunggigü le zo, “Ale a so kehü nyu kenishü ti, lo ale Npugü le tse sha kehü nyu ntsenlo ti.

¹⁵A-le ako keshü ka, ale khin shüti; a-le kenjün thyü kebin ka ale a-zen hüti, ale a-rühvu ti lo a-kenishü ti.

¹⁶Ale yhun kethon pe anyugun chün thyü shü ti; ale anyugun kenishü ti.”