Read Southern Rengma Naga LÜHIN 95 Bible Online

LÜHIN 95 - Southern Rengma Naga bible

LÜHIN 95

¹O ryülo, n gun lüthyü pe Npugü ki shü ti le nu! N gun shekerhün khwen thyü pe ngun kenikelo tsonye gü ki shü tile nu!

²N gun chenkeno sen-o a-mhundyü nyu ryü tile nu, n gun shekerhün keshwen lüthyü pe a-kishü tinu.

³Kechamvule Npugü le kekvutsin Sunggigü, lo tero aphu nyeki raja kekvutsin gü.

⁴A-le kazü apentha so keda thyübin; kazü kü ketsenyo tsin ka kügü kazüthun ketetso tsin keti.

⁵A-le thyü keshü züda so, a-le keda thyübin; a-le rhenkeshü kazü sae.

⁶O ryülo, n gun nkhün tsügü a-rüshvu tile nu; n gun Npugü, n gun thyü keshü gü mhundyü nyu khosen lonu!

⁷A-le n gun Sunggigü; lo n gun le a-shai nyu temi dan lo a-ben nyu kehü tanyü dan le. O nthu hagun le a-khwen nyülo lo!

⁸Meribah ka hagun bonyu le Massah tehen nyu kehü jon nyü , anyugun nyun rükela hontse lanya.

⁹Tsüka hagun pvübon nyu dan le a tho hyu lae a semeo a kegwa keshvu nri.

¹⁰Chen henzi ale shenhe tsügü ge a kenyü mvuo, “Anyugun le a nyugun nyun ki thyüzü hü kela temi danle, lo anyugun le a tson dan rüchün hümvu,” tsezo.

¹¹Tsügenyu ale anyunkenta nyu swe-o “Hagun no a kerüyü nyu yü loho,” tsela.