Read Southern Rengma Naga LÜHIN 99 Bible Online

LÜHIN 99 - Southern Rengma Naga bible

LÜHIN 99

¹Npugü le raja thyü bin nyo; temi dan no ndünlo. a-le cherubin so rajakhün ge dun bin nyo; kazü gü no nnu lo.

²Npugü le Zion nyu kvu bin; a-le temi aphu so tetso le.

³A-nyugun no n zan kegon lo kenrin kethyü shwenlo. A-le nshün!

⁴Raja kekvu, kenjü le a-kenyü kehü gü; nle kenjü penso shü laso; nle Israel ge kenjü lo kemitsin tho thyü hü nyo.

⁵N gun Npugü Sunggigü shwenlo; a-raja bin mhun dyü nyu a-rüshvu lo! A-le nshün!

⁶A-püshükeda nyu dan nyu Mosa lo Aaron le hü, a-zan ko kehünyu dan nyu Samuel kohü; anyugun le Npugü koshü lo a-le anyugun kehi thyüpe tsü.

⁷A-le nmhu chwe gü nyu anyugun ka tha zoshü; anyugun le a-tejvü dan lo a-le johope anyugun tsü keshü dan thyüzen lo.

⁸O Npugü a gun Sunggigü, nle anyugun kehi kenishü le; nle anyugun kemu jü keshü Sunggigü yatse-e anyu gun kemu shaja pe tsü hü.

⁹N gun Npugü Sunggigü shwenlo, lo a-kazüthun kenshün gü ge rüshvulo! N gun Npugü Sunggigü le nshün kethyü genyu.