Read Southern Rengma Naga KESHAJO 2 Bible Online

KESHAJO 2 - Southern Rengma Naga bible

KESHAJO 2

¹Anyugü, nle ajodan shalo lo ajohokeshü dan ntsen sen bin loya tselo.

²Kensü jo nyülo lo nnyun pe tha shakekho kelo kipon shülo.

³Ele, nle thasha ntsun kelo nnyü lo tha shakekho kelo hilo lo.

⁴Nle raka kefü hontse tsü fülo kebu kenjü kenya kefü hontse tsü fü lo.

⁵Nle tsonlo lo Npugü kenshvu kon shakekho loti lo Sunggigü thakesha hyu loti.

⁶Kechamvule Npugü le kensü khi shü hü; a-mün nyu thakesha lo tha shakekho kelo le chwi ryü hü.

⁷A-le temi kenjü nyu genyu kensü pe bin njü hü, senyu le njüo yhun hüyo a-le tsünyu gida.

⁸A-le kenjü nyu tson rikhun lo a-temi kenshün nyu tson ntsen bin hünyo.

⁹Tson-o nle kemitsin, kenjü lo ketun tson kegwa aphu shaloti.

¹⁰Kechamvule kensü le nnyun ka ryüti lo n thakesha le nyun kenyü pe ntsüti.

¹¹Thakonthari shakelo le nkhwe loti, lo tha shakekho kelo le nrikhun loti.

¹²Tson-o gwakemvu tson günyu, lo temi kevü hüsü shü kehü nyu jonyu--

¹³kezün nyu tsonchü titseo tson kenjü gü khela,

¹⁴thagwakemvu kethyü anyugun sherhün lo gwakemvu hüsü keshü gü tsüle anyugun kenyü hü,

¹⁵temi a-tson njü kemvunyu lo anyugun tson gwen zü kela dannyu kensü le nkenishüti.

¹⁶Tenunyu yhun ntsenseri kemvunyu, jokegwa zo-o nsa sentinla lo kegwa nyu nkeni loti,

¹⁷tsügi le a-Sunggigü zen kejozen kenjü gü nmhinla, lo aselo ka a-nizin gü khelaso.

¹⁸Tsügi ka le cheo kesi nyu yüjü lo a-tson le kengü nyu gun zhü laso.

¹⁹A-ki kegü nyu nme-e rani ryüo kerhün tson hyuni lo hümvu.

²⁰Tsügenyu nle temi kegwanyu tsonnyu tsonchü, lo kemitsin nyu tson gü thenlo.

²¹Kechamvule temi kenjü nyu le kazü gü gwen loti, lo temi gwapen kethyü nyu le tsünyu bin hüti.

²²Ai kazü günyu temi serikemvu nyu duthü lati, lo kemu kethyü nyu men phü lati.