Read Southern Rengma Naga KESHAJO 5 Bible Online

KESHAJO 5 - Southern Rengma Naga bible

KESHAJO 5

¹Anyugü, kensüjo nyü pütsü kegwa thyülo, n nyetin kerü pe tha shakekho kelo jo nyülo.

²Tsonlo yatselo nle njvü gwa loti lo njonyu mele nle thakeshanyu le tsesha loti.

³Tenunyu serikemvu nyu mün le khuzü hontse lo a-jo kezo le terzü nyeki nshwe kvu kehü genyu,

⁴ai kenkhin ki tsügi le hüsa hontse khü, lo zhethon yi kepen hontse a-yi gwa.

⁵Tsügi le nsüshe sen-o kesikazü nyugun lati, tsügi tson le kesinyu kegun tson.

⁶Tsügi le kerhün tson nyu hümvu ai nmhon hünyo, lo nyuthyü binyo sha hümvu.

⁷Anyudan, ntsoka akhwe nyülo, lo ale nyuzoyo thame kae nmhin lanya.

⁸Tenunyu tsühontse kehünyu zen nithen hülo! A khenpvü kho nnigü nya.

⁹Tsonnyatselo n teshwe pe mekechanyu tsüla lo nselo ka me shwi njünhü kemvu nyu bennyu silati.

¹⁰Shahü kemvunyu no ryü nkanya khilola, lo nle thyü kenjü tsüno mekechanyu hon thyüla lo keshvu genyu.

¹¹Tson-o n keyhun kenkhinki nthyü ndilao nkesino gen kenjünthyü yho-o zoti,

¹²“Ano nyuthyüo thashalo mvulayo? Ano nyuthyüo mele asenkethyü lomvu layo?

¹³Ale asenkethyünyu khwenyü mvula. Ale a nyetin kerüpe anyugun le asenthyü keshüjo nyü mvula le.

¹⁴Ale süda mhundyü keja kepfü thyükela hyulo.”

¹⁵N npvü n zübun, n zülvu nyu tsun kebin tsülo.

¹⁶Nzülvu no nren-nruo tsonda nyu tsun bin ti ole?

¹⁷Tsüpe nnpvü nhon thyülo, kechanyu zen kerhün nya.

¹⁸Nzülvu no jochü pfülo, lo nseloka nnu gütsü zen-o nsherhün hülo--

¹⁹a-no nkenyüho kehü thyüzhie lo thyünyu a-jvü gwasa kehü nme hontse. Gwünkho aphu ka a-kezegwa no nthyü pe shekerhün thyü lo azintse a-keso no nnyunthyü nrhün binlo.

²⁰Anyugü, nyuthyüo nkeso pe tenunyu serikemvunyu nme tsüti la? Nyuthyüo menunyu shwi pe nkenyü kvu tila?

²¹Npugü le nle lihi thyüe hyu binnyo. Nne likahika güe, a-le nri binnyo.

²²Temi serikemvunyu kemu le sen nme hontse. A-le a-npvü a-kemu sennyu a-minlo la hünyo.

²³A-le a-npvü a-kekheni lo kemvu genyu silahü. A-kepho le a-nipe a-sika nyu shü lati.