Read Southern Rengma Naga KESHAJO 6 Bible Online

KESHAJO 6 - Southern Rengma Naga bible

KESHAJO 6

¹Anyugü, nle temi peha le tepu pfü kebin khvüpfü titse njoshü bin nle?

²Nnpvü njo, nle zoshwi shü kenjü le nmin lola le?

³Anyugü, tson yatselo nle temi tsügü ben nyu laso, ai dihontse tsünyu tinchwilo tiyo tsüle hihontse: whütse gü a-no nhoshü lotse nkenjü hilo.

⁴N npvü zhügüla nmvue rüyü tinla nya.

⁵Thyüzhie nmvue tegü nme le a-hü kebin nyu sennyu tin chwikela hontselo.

⁶Thathyü kentsügü, ntye dan kigü anyugun tha shwishüo sha lota.

⁷Anyugun le sharhi, kedanyu, nmvue anyugun kentsen nyu ndi,

⁸ai tsangse ki genyu tsangyün ka anyu gun chvü nda, lo logvü ka anyugun kenya kequen lola hünyo.

⁹O thathyü kentsügü, dithen khi zhübin ti ola? A-le dicheki zhütson soryü mon?

¹⁰A-le hihontse zobin hünyo, “Ayhü nthügwa loti, keshanyu ajenthün thyüo rüyü loti.”

¹¹Ai a-le zhüketse ka rhokedyü le terikanyü sen kehü mehon seketyünyu nme hontse a-whe ryüla hünyo.

¹²Thakon kemvu, temi serikemvunyu le ho-o kenkujo zobin hünyo.

¹³A-yhütyü kemi, a-pha pe rho, lo a-zenkero pe tsin tseo,

¹⁴a-nyunnyu thagwa kemvu rhio lika hikae kekevü hüsü shü hünyo.

¹⁵Tsügenyu kenkie le whütse anyugun gen ryüti, tson-o gwüngwaka boren pe gwani lokeha thyü lati.

¹⁶Npugü le shwi ntsü kehü kon tsenyü le bin: Ketekho, kenku yi, kemukendi nyu dushvu kehü ben, thagwakemvu rhi kehü nyun, gwakemvu thyü titse tin whügü kehü pha, kenkujün kezo, kenku henshwi chwiryü kehü, lo tsasikezen gü dan nyu kengügwa kemvu tsi gwen keshü.

²⁰Anyugü, npvü le nka nyu zoshüyo tsü thyülo, lo njvü le nyu pe nsenthyü shüyo tsü nmhin lanya.

²¹Azintse tsüpe nnyun nyu shü pfülo, lo pe n gunda khin pfülo.

²²Nle tsonchü kehüka tsüle ntson riti, nle zhüketsüka tsüle nrhikhun ti, lo nle chonso keryüka tsüle n nthon hüti.

²³Anyugun senkethyü jo dan le mahne keben hontse, anyugun le nrho keshü tsü le nsenthyü pe nno yhun sha loti.

²⁴Tsüle tenunyu serikemvu menunyu jokegwa zo-o mesa zen tinla kehü nyu ben nyu nkeni loti.

²⁵Nnyunki a-kezegwa nnyü, lo a-yhütyü kekho no nnsü lola nya.

²⁶Temi nme le tensü thün nme mipe keyüla chüntyü kehü nme ngulola logwa, ai keyüla le temi gü keyhun lola hünyo.

²⁷Temi nme le mah henpfüo a-phinya romvu logwa ole?

²⁸Temi nme le magi kenho so tsonchüo a-pha romvu logwa ti ole?

²⁹Tsühontse a-kazon gü nu ki kegünyu le kenshvu le bin. A-kesü keshünyu nme shaja hyulo mvutse tin loha.

³⁰Kerühunyu nme le nnyo keloka a-gin nyülo nrün genyu mehon rühu yatse-e temi le tsü nkhin hümvu,

³¹ai a-tenlo yatselo, a-no tsüjün tsenyü pe tha hü lo a-no a-kanyü kebin aphu khishü hünyo.

³²Keyüla kehü nyu le tharüchün ti kemvunyu; a-npvü a-nkie kehü gwünzin.

³³A-le tejünshvu lo tetsin hyuti, lo kethonthen keja pfü hüti.

³⁴Kechamvule nyunketegi le temi thyü kensho shühü, lo a-le khenzo keso ka kheshü loha.

³⁵A-le a-mi thame loloha; nmvue nle kenrun nyu thakechon khi shü bin-e a-nyun bwenla loha.