Read Southern Rengma Naga SENKETHYÜGÜ 11 Bible Online

SENKETHYÜGÜ 11 - Southern Rengma Naga bible

SENKETHYÜGÜ 11

¹N raka pe tesin ki hathyü shüta, lo hisiki nle a-kechwi hyu loti.

²N raka pe binzi binpvün- binkechon ka shüshü lo, kazü higü nyu hengwa kemvu dihontse kethyü le ryü tiyo shakemvu genyu.

³Senbin nme le lizin hizin pen yatse-e, a-keche bin ka keto bin ti. Nmhu gü le sü lolo, tsangri shü hü.

⁴Nle tsangkenbu lo tsang kegwa khwe bin yatselo, ntsi thame shü loho lo thame gvü loho.

⁵Sunggigü le tha aphu thyüshü, tenugi ginyu dihontse kerhünronzin keshün le yhunlo hüyo nle shakemvu hontse, Sunggigü le dihontse tha aphu nyhun shüyo nle shalo nrün ndi.

⁶Lonyüe lo kheje-e ntsi shülo. Tsü aphu gwalo tile, nmvue gwüngwa keshü le kecha gü nyeki gwa kvulo tiyo nle sha kemvu genyu.

⁷Nhennyu keben gü nyu nkenyü lo kegwa tsü le gwa.

⁸Nle yhun kehü chen aphu genyu nkenyülo. Nle yhunthon sa bin-e kezün jon dan nmhin nya, kechamvule tsüle thonkvu nrün genyu. Sidyü kenrin thame ndi le.

⁹Selo dan, selo ka nsherhün lo. Nle selo thyü kebin ka nkenyülo. Nle nyuthyü nyüyo thyülo, nnyun le nnyü kebin gü tsü thenlo. Ai Sunggigü le nle lihi thyüe tsü sen njokera titse kethyü rüchün lo.

¹⁰Thame genyu nnyun nkhi nmvue nnyun kenjün thyü nya. Nle selo thyü thon bin kemvui le.