Read Southern Rengma Naga SENKETHYÜGÜ 12 Bible Online

SENKETHYÜGÜ 12 - Southern Rengma Naga bible

SENKETHYÜGÜ 12

¹Tsügenyu nle selo thyü ketse ka Nnyhun keshü gü rüchün lo, nyungwa kemvu chen jon dan ale ryüo nle, “A we yhun ashekerhün ndi le,” tse zoso kemvu ka.

²Tsü le yhüko, shye lo shyenyü keben le ngenyu zün ryü la lo, tsangkenri khelukesü gü le n nken mvu lati.

³Tson-o nkhwe kehü nbu hvu le ndün lola, lo ntsoka nko kebin npha hvu le kvu mvula. Nhü le rhori lao nchvü kenyen lomvu, lo nyhütyü le zün thahyu pütsü lomvu lati.

⁴Nyhütin rügü lao tsonda ki thakhwe nyü lomvu. Tha kekerü nmvue lü kethyü khwe nyünryü tsela, ai tegü kekhun khwe-e nkesun ti.

⁵Nle bin ketetso ka gü nshvu, lo tsonkechü-e kenshvu le bin lati. Npaehü le chonla; nle nnu khekhe lo gwenzin la, lo nle nnyü kehü aphu tin lati. Ngun le kenkhin tsin ki kesun bin ki gun zhü, lo tson-o tsonda nyu chekechü le bin ti.

⁶Rakagi kehüsü gü selo la, suna mahkenben le cheo boren lati; zülvu ka ron gü bothü lati lo zü laki gü boren lati.

⁷Ngun min le ranio kazü nyu nnyo ngwa lati, lo kerhün teshe gü le ranio tsü khipe ngun ketsü gü Sunggigü ki gü lati.

⁸A-kenrun, a-kenrun, tse senkethyü gü le zoshü. Tsü aphu a-kenrun.

⁹Ai senkethyü gü le nsü kethyü genyu, a-le nyu sha yo tsü pe temi senthyü shübin. A-le thakesha jo dan swüo tsüdan le ketsin le nmvu yo kegwakeshvu shwila.

¹⁰Senkethyü gü le nkenyü kethyü jo dan fü shü, ai a-le thukeshü jo dan le ketsin.

¹¹Temi kkensü nyu jo le tanyükekhwenyu le pe a-tanyü tsontsin kehü thün kentsen hontse, thakesha jo kequen kelo le gojal pe yhekensü kethyü hontse kethon nnumvu bin hü. Tsüdan tsü le ngun aphu kekhwe gü Sunggigü le khishü.

¹²Anyugü, pUtsü lo mvulo keshvu kecha ko bin nle. Lesü thu kethyü le a-keni ndi, lo lesü swü ritsin kethyü le kvumvu lahü.

¹³Hi aphu siki, kezoi nme le bin: Sunggigü rühvulo, lo a-johokeshü zenlo, higü hi thyü lotse temi nyhun shüle.

¹⁴Sunggigü le ngun tho aphu sen-o ngun jokera ti, kegwa lo keshvue, keekebu ki thyü kela dan-e.