Read Southern Rengma Naga LÜDAN LÜ GÜ 3 Bible Online

LÜDAN LÜ GÜ 3 - Southern Rengma Naga bible

LÜDAN LÜ GÜ 3

¹Khejetsen ale azhü nyuzhüo ale so kehü gü nmin; ale a-fü, ai a-hyulo mvu.

²Ale nyida gü nyu ho; tsügü tsonda lo tsoncho nyu gü. Ale aso gü fü. Ale a-fü, ai a-hyulo mvu.

³Rikhunnyu le nyida gü nyu ho ryü ahyulo. Ale anyugun ka, “Hagun le aso gü hyu le nmvula? tse ketsoshü.

⁴Ale tsüdan nkenlo ntsin, a-hyulo. Ale a-sülo-o a-hoshü mvula a-zen ajvü ka ki a nnyukelo katsen gü nyu gü kemvu then.

⁵Jerusalem nyu tenunyu dan, aka hagun joho shülo; thyüzhe lo thyünyu kenmhe zo-o swe lalo- Tsü le ayi le keso kebin hagun le kevü mvuti tse kethyü.

⁶Kazü kesi ki mah kekhuchwe hontse ryü kejü hile nyu la, tharün kegwa lo myrrh rün kegwa, hakethyü nyu le jwe kehü tharün kegwa?

⁷Solomon le ryüjü, a-rajakhün ge kebin pen-o; shüpahü min hentsero no a-rikhun. Israel nyu shüpahü kegwatsin dan.

⁸Anyugun aphu zhethon pen shasa; anyugun le terithyü thon sa hü kela nyu. Anyugun nmeme tse khejenyu meno ryü anyugun whemvu nrün genyu zhethon sen kü.

⁹Sen kegwatsin lo kethyü rajakhün ge Raja Solomon pen hü.

¹⁰A-kachon dan le rakagi pe je; tsü soge suna pe phishwe kethyü pe hen. Phi kemeren pe kedunbin je, Jerusalem nyu tenunyu le tsü da pe gwasa shü.

¹¹Zion tenunyu dan, ryü Raja Solomon shwishülo. A-le a-jvü le a-sunkethyü jon nyü rajaperün pe a-pe ge keshü pfü hü nle, a-shekerhün lo a-kekenyü jon nyü.