Read Southern Rengma Naga LÜDAN LÜ GÜ 7 Bible Online

LÜDAN LÜ GÜ 7 - Southern Rengma Naga bible

LÜDAN LÜ GÜ 7

¹Nle Lünyu dihontse ndun kethyü nme la! N phakü kepfü le ditsüki thyü zegwa la. N din hvu le thathyü shasa kethyü nyu tho hontse.

²N lvutsun le terzü rün kegwa ndila hü kemvu hontse. N ginda le lily nyekepun pe hun kenjü thoshe thun hontse bin.

³N nyü le thyüzhe, lo thyünyu kenyhun kentsin kethyü hontse.

⁴N gunda le tsunhü pe kekhwe tsokhwe nme hontse. N yhütyü le Heshbon nyida gü khinrun khoka zi gü hontse. N hinkon le Damaska kepen ka Lebanon tsokhwe gü hontse nkezüri.

⁵N pe le tetso pe Karmel kazüthun hontse. N pehü ketsükela pe tsentsen tse pfü, tsü kezegwa le raja nyu nme tenlo laso.

⁶Nle ditsüki nkezü, lo zegwa la; n keso le nkenyü pen le.

⁷Nle palm bin hontse nkezü, lo n nyü hvu le palm sha chwe hontse le.

⁸Ale palm bin gü ge küo a-sha lü loti A genyu we nnyü hvu le vainsha chwe hontse le, n teshe le kinphosha rün hontse,

⁹n mün le vainzu kegwatsin hontse. Tsonlo vainzu gü no tsun njüo aso gü ki gülo, a-müntse lo a-hü ge tsuntsü lota.

¹⁰Ale aso gü hon, lo a-le a nnyü hobin.

¹¹Ryülo, a logwa po gü, nnyi lojvü ki gü tile tson-o kheje ki rünyi ki bin tile.

¹²N nyi nshwe soryü vain shwi shü tile tsü le sen chwiryü bin le nmvu yo, Pun ryüjü le nmvu zun yo, lo khüratyü senbin le pun bin sele nmvu yo. Tsüka ale keso khipe ntsüti.

¹³Nle mandrake nyekepun rünyü logwa, lo nnyi kakhin khoka terasha nkenyü sa kethyü aphu bin. Aso gü, ale nkenyü kethyü a-whe lo keshün pe ntsü titse pe bin njü nle.