Read Southern Rengma Naga LÜDAN LÜ GÜ 8 Bible Online

LÜDAN LÜ GÜ 8 - Southern Rengma Naga bible

LÜDAN LÜ GÜ 8

¹Nno atsü gü thyüo ajvü ge n hontsü hü le tse mvuo no. Tson yatse kethyü we ale tsonda nyu nteno lolo n nbo shüe temi nme tsü rüchün nshvu loho.

²Ale nzen-o ajvü kaki gunti; tsüki nle keso pe asenthyü shü logwa. Ale zu a-rün kegwa pe ntsü ti; a khüratyü zu pe nla ti.

³N ben ngwazin le ape hensin lo nben njüzin pe athün loti.

⁴Jerusalem nyu tenunyu dan, hagun le ayi kekeso kevü mvu titse aka hagun joshü shülo.

⁵A-sogi zen-o kebenra pfüo kazükesi ki chwiryü kejü hile segü la? Kinphasha bin gü hensin ki ale nkesun shü, nnyu kelo bin ka.

⁶Nnyun khinshe pe keso lihi-e tsünya ai atsü lo; kechanyu nme thün pen nya ai athün lo. Keso le kvu pe kesi hontse; nnyü keho le nko pe kesi hontse le. Tsü le mah hontsennyü chwiryüo mah kenro hontse la hü.

⁷Zü le tsü shwe kemhü la loho; zü keda nme tsü chünsen tinla loho. Ai temi nme le a-kenya pe keso hie tiya tselo, a-le hyulo kegwa aphu khishüe tsü le hei loho.

⁸Agun lügi lübwenyu nme le bin, a-le a-nyütsun mvuzun. Agun le a-genyu nyuthyü shü tila, ponyu nme le a-lo titse ryülo?

⁹A-le kabon nme yatselo, agun le a-ge rakagi tsokhwe nme thyüshü ti. Ai a-le khinrun nme yatse kethyü we, agun le sedar sen pe kakhin nme thyü pe a-sun shüti.

¹⁰Ale kabon nme, lo anyü le tsünyu tsokhwe le. Aso gü le ale a-zen-o akenyü lo anyunbwe lo kehü shabin nle.

¹¹Solomon le vain low nme le bin Baal Hamon tse kethyü bin nme ka. Low ketsünyu le a-low tsü ngu tsühü; nmeme le raka yieme pe a-min thyü hü.

¹²A-raka yie me dan le Solomon no ryülo tse hü; lo low ketsünyu jün le tsihvu pe thyü; ale a npvü a vain low le bin!

¹³Ano chwi gü nyu n khwenyü lota, aso gi; apvü nyu dan le n jokezo khwenyü titse khwe bin nle.

¹⁴Aki ryülo, aso gü, thyüzhe hontse, tharün kegwa le yhun kehü kazüthun ge thyünyu hontse.