Read Southern Rengma Naga ISAYA 12 Bible Online

ISAYA 12 - Southern Rengma Naga bible

ISAYA 12

¹Jon nme le ryüjü, tsünyü temidan le hihontse lü thyüti, “Npugü, Ale nshwen le! Nle agen nnyun ntahü, ai nnyunta mvulao anyun thyü nben keshü genyu.

²Sunggigü le a kenikelogü le; Ale a-tenyen hüti lo nshvu mvuso. Npugü le kvu lo kenko pe atsühü; A-le a kenikelo güle.

³Zü kenshün le teri kehünyu gwenkesherhün shü kehü hontse, Sunggigü temi le A-le anyugun kenikeshü ka anyugun kenyü hünyo.”

⁴Jon nme le ryüjü, tsünyü temidan le hihontse lüthyüti, “Chekeno pe Npugü tsülo! A-no ncheshü lotse koshülo! A-le thyükeshüdan pe senye aphu ka zoshülo! A-le ditsüki gon yo pe anyugun ka zolo!

⁵Npugü le tha keda thyükeshü genyu lüthyü pe a-ki shülo! Kazü apentha no jolo tsü nyülo!

⁶Zion nyu kebin aphu sen-o lü thyülo! Israel Sunggigü kenshüngü le gon le, lo a-le a-temi dannyu hünyo.”