Read Southern Rengma Naga ISAYA 15 Bible Online

ISAYA 15 - Southern Rengma Naga bible

ISAYA 15

¹Higü hile Moab genyu jolo. Kheje nme thyü Ar lo Kir nyida hvu nkela, lo Moab kazü aphu no nyen tsela.

²Dibon nyu le rincho ki küo bin kenshün gen chü. Moab nyu le Nebo lo Medeba nyida hvu genyu nyunkenjün thyüo chechü; anyugun nyun gwamvuo anyugun pe lo anyugun münhü thula.

³Temi dan le ronphi ben-o tsonda nyu bin, nyida lvünyu lo ka pesun gen bin-o nrao chechü.

⁴Heshbon lo Elealeh nyu le nra chwiryü, lo anyugun kenrakhwen le nithen ki-e jahazk keti nyüloti. Shüpahü nyue ndünla lo a-nyu kepeche ndila.

⁵Anyun le Moab genyu chüchwiryübin! Temi dan le Zoar lo Eglath Shelishiyah rünyi ki tinlaso. Peha le tsonda then-o Luhith ki küjü ntsin chü; peha le nyunkenjün thyüritsin tse nrhio Horonaim ki tinla.

⁶Nimrim rinyu le sinla, a-seki jonnyü dan le rügüla, lo tha kenjvü nme-e ndila.

⁷Temi dan le anyugun kenya aphu pfüo Willows ketejon pfüthüo tinkela ndobin.

⁸Moab zenketerhi aphu kechü khwen nyülobin. Eglaim lo Beerelim rünyi hvu nyu nyülo.

⁹Dibon rünyi nyu züri le tezi le swü laso, lo Sunggigü le tsüdan genyu tsünyeki kenshvu pe tsüti tse kequen bin. Moab nyu khekela nyu aphu kedushvuo tezi tsunti.